T1 Elon Musk-н Grok AI-тай тоглох саналыг хүлээн авлаа

Elon Musk өөрийн хөгжүүлсэн Grok хиймэл оюун ухааныг дэлхийн шилдэг League of Legends багтай тоглуулах санал гаргасан. Үүний дараа T1 албан ёсоор саналыг хүлээж авчээ.

Энэ санаа цахим спортын ертөнцөд хурдтай тарж, хуучин тоглогчид, салбарын мэргэжилтнүүд болон Riot Games-ээс ч хариу өгсөн байна.

Musk сүүлийн үед AI ашиглан тоглоом хөгжүүлэх төлөвлөгөөнийхөө талаар нээлттэй ярьж байгаа. Grok-ийг танилцуулснаасаа хойш хэдхэн жилийн дотор хиймэл оюун ухаан бүрэн хэмжээний видео тоглоом бүтээх чадвартай болно гэж үзэж буйгаа илэрхийлсэн.

Grok болон T1

Musk одоо Grok-г LoL-ийн шилдэг багтай өрсөлдөж, ялж чадах эсэхийг тестлэхийг хүсэж байгаа юм. Тэнцвэртэй байдлыг хангах үүднээс Musk Grok-д хэд хэдэн хязгаар тавихаар болсон. Grok тоглоомын дотоод мэдээлэлд хандахгүйгээр, ердийн хүний 20/20 хараатай камерын бичлэгээр л харах боломжтой. Мөн түүний урвалын хурд, механик үйлдлүүдийг хүний хэвийн түвшинд тааруулах болно. Musk-ийн хэлснээр Grok 5 нь “Ямар ч тоглоомыг заавар уншаад туршиж тоглож чаддаг учраас энэ сорил боломжийн" гэж үзжээ.

Энэ санал гарсан даруйд олон төрлийн цахим спортын ахмад тоглогчид хариу өгч, T1 ч — KT Rolster-ийг ялж ДАШТ-д түрүүлснээс хэдхэн долоо хоногийн дараа — “бид бэлэн” гэдгээ илэрхийлэв.

Эргэлзэгчдийн байр суурь

Мэдээж эргэлзэгчид ч олон байлаа. LCS-ийн Joedat “Voyboy” Esfahani Grok LoL-ийн шилдэг багтай өрсөлдөх боломжгүй гэж мэдэгдэв. Учир нь:

• Тоглолтын төвөгтэй байдал

• Багын зохицон тоглох чадвар

• Нөхцөл байдлыг ойлгох, дүгнэх чадвар зэргийг хиймэл оюун ухаан одоогоор гүйцэхгүй гэжээ.

Yiliang “Doublelift” Peng ч мөн адил эргэлзэж буйгаа илэрхийлээд, "Хэрвээ Grok тоглолтод ялбал үсээ хусна" гэж мэдэгдсэн.

T1 Musk-ийн саналыг хүлээн авлаа

T1 Musk-ийн постод "Faker"-ийн GIF-ын хамт: “Бид бэлэн. Харин та?” хэмээн хариулжээ.

Одоогоор тоглолтын тов хараахан гараагүй байгаа. Гэхдээ энэхүү тоглолт хэрэгжвэл League of Legends-ийн түүхэн дэх хамгийн сонирхолтой, хамгийн их анхаарал татсан тоглолтуудын нэг болох магадлалтай юм. Ялангуяа хэний ч төсөөлөөгүй үр дүн гарвал...