2027 онд Анхны Esport- ын Олимпийн наадам

Цахим спорт буюу Esport нь сүүлийн арван жилд хурдацтай хөгжиж, олон улсын хэмжээнд томоохон тэмцээн, лигүүдтэй болсон. Энэ өсөлтийг харгалзан үзэж, Олон улсын олимпын хороо (ОУОХ) 2027 онд Саудын Арабын Эр-Рияд хотод анхны Esport- ийн Олимпын наадмыг зохион байгуулахаар шийдвэрлэсэн нь Esport-ийн хувьд түүхэн үйл явдал болж байна. Энэхүү тэмцээн нь цахим спортын ертөнцөд олимпын хөдөлгөөний нэг хэсэг болох боломжийг нээж, уламжлалт спорттой ижил түвшинд

хүрэх алхам болох юм.

Esport -ийн Олимпын наадам

2027 онд болох Олимпын Esport-ийн наадам нь ОУОХ-ны албан ёсны ивээл дор явагдаж буй хамгийн анхны томоохон цахим спортын олимпын тэмцээн юм. ОУОХ нь Саудын Арабын Олимп, Паралимпийн хороо болон Esport дэлхийн цомын сантай (EWCF) хамтран энэхүү арга хэмжээг зохион байгуулах болно.

• Хаана: Саудын Араб, Эр-Рияд

• Хэзээ: 2027 он (тодорхой сар, өдөр зарлагдаагүй)

• Зохион байгуулагч: ОУОХ, Саудын Арабын Олимп, Паралимпийн хороо

• Түнш байгууллага: Esport-ын дэлхийн цомын сан (EWCF)

• Тэмцээний төрөл: Одоогоор албан ёсоор зарлагдаагүй, ямар төрлүүдээр явагдах талаар судалгааны ажил хийгдэж байгаа 

• Урьдчилсан шат: 2025 оноос сонгон шалгаруулалтууд эхэлнэ

  
  
  
  

International Olympic Committee

EWC

Paralympic

Saudi Olimpic

Esport ба Олимпын хөдөлгөөн

Esport нь олон жилийн турш Олимпын хөтөлбөрт багтах эсэх талаар маргаан дагуулж ирсэн. Учир нь уламжлалт спортын ертөнц Esport-ийн тоглоомуудыг бодит спортын төрөлтэй харьцуулах нь зүйтэй эсэх талаар эргэлзэж байв. Гэхдээ технологийн хөгжлийг даган цахим спорт улам бүр хүлээн зөвшөөрөгдөж, олон сая үзэгч, тоглогчтой болсон тул ОУОХ энэ салбарыг дэмжих шийдвэр гаргалаа.

2023 онд ОУОХ Olympic Esports Series (OES) нэртэй тэмцээнийг туршилтаар зохион байгуулсан. Энэ тэмцээнд Gran Turismo, Chess.com, Fortnite зэрэг тоглоомууд багтаж, дэлхий даяар сая сая үзэгчтэй болсон юм. Энэхүү туршилт нь 2027 оны Олимпын Esport-ийн наадмыг зохион байгуулах гол шалтгаан болсон гэж үзэж болно

Ямар төрлийн тоглоомууд оролцох вэ?

2027 оны тэмцээнд ямар төрлийн тоглоомууд багтах нь одоогоор тодорхойгүй байгаа ч, ерөнхийдөө дараах төрлүүд багтах магадлалтай гэж үзэж байна:

1. Стратегийн тоглоомууд: Dota 2, League of Legends (LoL), Starcraft II гэх мэт

2. Буудлагын тоглоомууд: CS:GO (CS2), Valorant, Rainbow Six Siege

3. Спортын тоглоомууд: FIFA (EA Sports FC), NBA 2K, Gran Turismo

4. Тулааны тоглоомууд: Street Fighter, Tekken

5. Бодит спорт дээр суурилсан тоглоомууд: Zwift (дугуйн уралдаан), Virtual Regatta (усан сэлэлт)

ОУОХ нь цус асгаруулсан, хүчирхийллийн элемент ихтэй тоглоомуудыг Олимпын тэмцээнд оруулахгүй байх бодлого баримталдаг. Тиймээс Call of Duty, PUBG зэрэг тоглоомуудын оролцоо эргэлзээтэй байна.

Esport-ын Олимпийн наадам хэрхэн явагдах вэ?

Энэхүү тэмцээний нарийн дүрэм, зохион байгуулалтын талаар тодорхой мэдээлэл хараахан гараагүй байна. Гэхдээ өмнөх Olympic Esports Series (OES) болон бусад томоохон Esport-ийн тэмцээнүүдээс харвал дараах бүтэцтэй байх магадлалтай:

1. Шалгаруулалт ба эрх авах процесс:

• Дэлхийн хэмжээнд урьдчилсан шалгаруулалт зохион байгуулагдана

• Улс, бүс нутгийн аваргууд шалгарч, шигшээ шатанд өрсөлдөнө

2. Шигшээ тэмцээн:

• Эр-Риядад болох финалын шатанд шалгарсан тамирчид очиж тоглоно

• Олимпын медаль гардуулах үйл ажиллагаа явагдана

  
  
  
  
  

  

  
  
  

2027 оны Олимпийн Е-спортын наадам нь цахим спортын салбарт шинэ эрин үеийг авчрах томоохон үйл явдал болох юм. Энэ нь зөвхөн е-спортын хөгжилд төдийгүй технологи, спортын уялдаа холбоог сайжруулахад чухал алхам болно. Саад бэрхшээлүүд байгаа ч, уг тэмцээн нь цахим спортын олимпийн хөдөлгөөнд томоохон түлхэц өгч, олон улсын хэмжээнд спортын шинэ өнгө төрхийг тодорхойлох болно.

Эх сурвалж: www.olympics.com www.anocolympic.org