IEM Cologne Major 2026 тэмцээний багууд тодорч, FaZe болон Passion UA багууд шалгарч чадсангүй.

IEM Cologne Major 2026 тэмцээний урилга авсан багууд сүүлийн LAN тэмцээнүүдийн дараа албан ёсоор тодорч, хэд хэдэн том нэрс оролцож чадаагүй нь энэ удаагийн Major-ийг илүү сонирхолтой болгож байна.

Ерөнхий мэдээлэл

IEM Cologne Major 2026 нь CS2-ийн хамгийн нэр хүндтэй Major тэмцээнүүдийн нэг бөгөөд Германы Кёльн хотод зохион байгуулагдана. Тэмцээн нь олон шатлалтай (Stage 1, Stage 2 болон Stage 3) форматаар явагдах бөгөөд дэлхийн шилдэг 32 багууд VRS (Valve Regional Standings) болон сүүлийн LAN амжилтаар урилга авдаг.

IEM Cologne 2026 тэмцээн нь 2026 оны 6-р сард Германы Кёльн хотын алдарт LANXESS Arena-д зохион байгуулагдах бөгөөд нийт шагналын сан нь 1 сая ам.доллараас давж, үүнээс гадна багууд ESL Grand Slam болон Valve Regional Standings (VRS)-ийн чухал оноо цуглуулах боломжтой.

Тэмцээн нь гурван шатлалт бүтэцтэй явагдах ба эхний шат болох Stage 1-д 16 баг Swiss болон elimination форматаар өрсөлдөн шилдэгүүд нь дараагийн шатанд шалгарна.

Үүний дараа Stage 2 шатанд мөн 16 баг double elimination group форматаар тоглож, хамгийн тогтвортой гүйцэтгэл үзүүлсэн багууд Stage 3 буюу playoffs шатанд хүрнэ.

Харин эцсийн шатанд найман баг single elimination системээр LANXESS Arena-ийн тайзан дээр аваргын төлөө өрсөлдөх бөгөөд энэ шат нь “Cathedral of Counter-Strike” хэмээн нэрлэгддэг онцгой уур амьсгал, үзэгчдийн дарамт, LAN туршлагыг шалгадаг хамгийн шийдвэрлэх мөч болдог.

Ямар багууд өрсөлдөх вэ?

Challenger stage буюу эхний шат. 6-р сарын 2-5.

Энэ шатанд ихэвчлэн бүс нутгийн шалгаруулалтаас болон доогуур VRS оноотой багууд оролцоно. Эндээс олон шинэ, “битүү морьд” гарч ирэх магадлал өндөр.

• 🇪🇺 GamerLegion

• 🇷🇺 BetBoom

• 🇸🇪 HEROIC

• 🇺🇸 M80

• 🇧🇷 Sharks

• 🇧🇷 MIBR

• 🇨🇳 TYLOO

• 🇦🇺 THUNDER dOWNUNDER

• 🇩🇪 BIG

• 🇺🇦 B8

• 🇪🇺 SINNERS

• 🇺🇸 NRG

• 🇧🇷 Gaimin Gladiators

• 🇺🇸 Liquid

• 🇨🇳 Lynn Vision

• 🇦🇺 FlyQuest

Contenders буюу хоёр дах шат. 6-р сарын 6-9.

Дунд шатанд илүү туршлагатай, тогтвортой гүйцэтгэлтэй багууд нэмэгдэнэ. Энэ шатанд олон Tier-1 багууд орж ирж эхэлдэг.

·       🇷🇺 Spirit

·       🇪🇺 G2

·       🇪🇺 Monte

·       🇧🇷 paiN

·       🇩🇰 Astralis

·       🇪🇺 FUT

·       🇦🇷 9z

·       🇧🇷 Legacy

Төгсгөлийн шат. 6-р сарын 11-21

Эцсийн шатанд дэлхийн топ 8 багууд шууд урилгаар орж ирсэн бөгөөд аваргын төлөө өрсөлдөнө.

·       🇪🇺 Vitality

·       🇪🇺 PARIVISION

·       🇪🇺 Falcons

·       🇧🇷 FURIA

·       🇪🇺 Natus Vincere

·       🇹🇷 Aurora

·       🇪🇺 MOUZ

·       🇲🇳 The MongolZ

FaZe, Passion UA багууд шалгараагүй ч Liquid багт боломж гарлаа.

FaZe Clan баг HLC Belgrade тэмцээний шийдвэрлэх тоглолтод Чехийн SINNERS багт ялагдсанаар IEM Cologne Major 2026-д оролцох эрхээ алдлаа. Энэ ялагдал нь тэдний VRS оноогоор дамжих боломжийг бүрэн хааж, Major-ийг өнжихөд хүргэсэн байна. Харин эсрэгээрээ SINNERS энэхүү ялалтаар Cologne Major-ийн эрхээ баталгаажуулж, Stage 1-д өрсөлдөх багуудын нэг боллоо.

Энэ нь FaZe шиг Tier-1 баг Major-оос хасагдсан том шок болж, тэмцээний өрсөлдөөнийг улам нээлттэй болгож байна.

Senzu-ийн Passion UA Major-ын эрхээ алдаж, Liquid сүүлийн эрхийг авлаа

Монгол тоглогч Senzu-ийн тоглож байсан Passion UA баг Urban Riga тэмцээний финалд Туркийн Sangal багт ялагдсанаар IEM Cologne Major 2026-д оролцох боломжоо алдлаа. Энэ ялагдал нь тэдний VRS оноог хангалттай хэмжээнд хүргэж чадаагүй тул Major-ийн өрсөлдөөнөөс бүр мөсөн гаргахад хүргэсэн байна.

Харин Passion UA финалд хүрч чадаагүй энэ нөхцөл байдал нь бусад багуудад боломж нээж, эцэст нь Liquid баг VRS онооны давуугаар Stage 1-д оролцох сүүлийн slot-ыг авч чадлаа.

Өөрөөр хэлбэл, Passion UA-ийн финалын ялагдал шууд бусаар Liquid-ийн Major-д оролцох замыг нээсэн бөгөөд Монгол фэнүүдийн хувьд Senzu-г энэ удаа Major дээр харах боломжгүй боллоо.

Будапешт Мажорын тухайд

2025 оны сүүлийн Starladder Budapest Major тэмцээнд  Vitality баг финалд NAVI-г ялж, тухайн үеийн хамгийн тогтвортой баг гэдгээ баталсан. Тэдний тоглолтын нягт байдал, clutch мөчүүд алдаагүй тоглолт нь бусад багуудаас илт давуу байв. 

Vitality — Аварга

FaZe Clan — Дэд байр

NAVI — 3-р байр

Мөн энэ Major дээр Монголын The MongolZ баг хүчтэй оролцож, 5–8-р байр эзэлсэн юм. Esportsnews.mn мэдээллийн сайт тэмцээнийг газар дээрээс нь шууд сурвалжлан хүргэсэн юм.