FURIA анхны цомоо хүртэв

Ariunzayat Yunren
Sep 22
3 min read

Серби улсын Белград хотын Belgrade Arena-д 9-р сарын 12–21-ний өдрүүдэд болсон FISSURE Playground 2 тэмцээн өндөрлөлөө. Бразилийн FURIA баг Монголын The MongolZ багийг шийдвэрлэх таван map цувралд 3-2 харьцаатай хожиж, багийнхаа түүхэнд томоохон тэмцээнд Furia анхны цомоо хүртэв.

FURIA-гийн түүхэн ялалт

2019 онд Лондонд болсон ECS Season 7 тэмцээнээс хойш S-tier түвшиний тэмцээнд олигтой амжилт үзүүлж чадаагүй Furia энэ удаа 38 дахь оролдлогынхоо дараа хүссэн цомоо өргөж чадлаа.

2017 оноос хойш энэ багт тоглож байгаа Yuri “yuurih” Santos “KSCERATO бид хоёр олон жил хүлээсэн. Энэ мөч үнэхээр үгээр хэлшгүй баяр авчирлаа” хэмээн сэтгэл догдлон ярьжээ.

Багийн ахлагч, 34 настай Gabriel “FalleN” Toledo хэлэхдээ

“22 жилийн турш энэ тоглоомыг тоглож байгаадаа баяртай байна. Карьерынхаа энэ үед шилдэг багтай нэгдэх боломж олдож байгаа нь үнэхээр сайхан. Амьдрал амаргүй. Чамд цохилт өгдөг ч чи үргэлж тэмцэх хэрэгтэй болдог. Мэргэжлийн тамирчны замаар амьдрахын тулд маш олон золиос гаргадаг. Гэхдээ энэ бол гайхалтай амьдрал. Энэ тоглоомыг (CS2) амьдралаа болгож, мөнгө олж, дэлхийгээр аялж яваа нь сайхан ч, нөгөө талд нь маш олон золиос байдаг. Жишээлбэл, “KSCERATO” тэмцээний үеэр, хоёрхон хоногийн өмнө өвөөгөө алдсан, “YEKINDAR” хамгийн сайн найзынхаа хуримд оролцож чадаагүй, би өөрөө байнга аялж, гэр бүлээсээ үргэлж хол байдаг. Та бүхэн биднийг зөвхөн тоглож байгаагаар л хардаг, гэтэл бидний ар талд маш их зүйл өрнөдөг. Энэ амаргүй амьдралаар амьдарч, хичээж буй бүх тоглогчдод баяр хүргэе.”

Furia багийн хувьд багийн бүрэлдэхүүнд өөрчлөлт хийж, Казакстан улсын “molodoy”, Латви улсын “YEKINDAR” нарыг багтаа аваад аваад ердөө тавхан сар болж байна.

Molodoy – MVP

20 настай Казахстан улсын иргэн, снайпер Данил “molodoy” Голубенко нь FURIA багт ороод ердөө тавхан сарын дараа HLTV x 1XBET MVP шагналыг хүртлээ. Тэрээр финалын тоглолт болон плейоффт шилдэг үзүүлэлттэй тоглож, 1.22 рейтингээр багийнхаа ялалтын гол түлхүүр болж чадсан юм. Өмнө нь энэ оны 8-р сард болсон IEM Cologne тэмцээнээс EVP (Exceptionally Valuable Player) цолыг авч байжээ.

MVP өрсөлдөөн тун ширүүн өрнөж, “molodoy”-оос гадна “KSCERATO”, манай улсын тамирчин М.Азбаяр “Senzu”, Б.Аюуш “mzinho” нар ердөө 0.02-ын зөрүүтэй байгаа нь тэмцээний онцлох мөч байлаа.

Финалын өрнөл

Тоглолтын онцлох мөчүүд

Mirage: The MongolZ хүчтэй эхэлж 8-3 харьцаагаар тэргүүлсэн ч FURIA нэмэлт цагт 13-10-оор ялсан. Б.Өсөхбаяр “910” дараалан хоёр quad-kill хийсэн боловч “molodoy” болон “YEKINDAR” нарын тоглолт нэмэлт цаг дээр багтаа ялалтыг авчирлаа.
Inferno: “Molodoy” багаа тэргүүлэн 8-4 харьцаагаар тэргүүлж байсан ч М.Азбаяр “Senzu” тоглолтын явцад pistol ace хийж, 137 ADR үзүүлэлтээр тоглолтыг өөрчилж, The MongolZ баг 13-9-өөр ялалт байгуулсан.
Nuke: FURIA эхний хагаст 12-3 харьцаагаар тэргүүлсэн ч Монголын баг гайхалтай эргэн ирэлт хийж тоглолтыг нэмэлт цагт аваачсан. Гэвч нэмэлт цагт FURIA 4-0 харьцаатайгаар яллаа.
Overpass: The MongolZ шинэ эрч хүчтэй орж 8-4 харьцаагаар тэргүүлсэн. М.Содбаяр “Techno” гайхалтай тоглолт үзүүлж, “mzinho” энд clutch хийснээр The MongolZ баг 13-11-ээр ялалтыг авчирлаа.
Dust2: “mzinho” энэхүү pistol раунданд гурван frag хийж The MongolZ баг тэргүүлүүлсэн ч FURIA хурдан сэргэж 7-5 тэргүүлээд хамгаалалтын талдаа алдаа гаргалгүй тоглосоор 13-7 харьцаатай ялалтаа баталгаажуулав.

Map	Сонгосон баг	Үр дүн	Гол тоглогчид
Mirage	The MongolZ	FURIA 13-10 (OT)	910-ийн quad-kill, molodoy + YEKINDAR нэмэлт цагт шийдсэн
Inferno	FURIA	The MongolZ 13-9	Senzu pistol ace, 137 ADR, 1v2 clutch
Nuke	FURIA	FURIA 13-12 (OT)	FalleN clutch, MongolZ хүчтэй эргэн ирэлт хийсэн
Overpass	The MongolZ	The MongolZ 13-11	Techno-ийн олон frag, mzinho clutch
Dust2	Decider	FURIA 13-7	mzinho pistol triple, FURIA flawless CT side

Шагналын сангийн хуваарилалт

Байр	Баг	Шагналын мөнгө
1-р байр	FURIA	$200,000
2-р байр	The MongolZ	$100,000
3–4-р байр	Team Liquid	$40,000
3–4-р байр	Team Falcons	$40,000
5–8-р байр	G2 Esports	$17,500
5–8-р байр	Astralis	$17,500
5–8-р байр	Virtus.pro	$17,500
5–8-р байр	FaZe Clan	$17,500

The MongolZ-ийн тоглолтууд

Монголын The MongolZ баг Белградын тэмцээнд гайхалтай тоглолт үзүүлж, финалд хүртэлх замналдаа дэлхийн шилдэг багуудыг ээлж дараалан буулгаж авсан.

Swiss Stage: 3DMAX багт ялагдсан ч, Lynn vision, Tyloo, Faze clan багуудыг хожиж плейоффт гарав.
Плейоффын эхний шатанд: Blast Open Fall 2025 тэмцээний аваргын цомыг аваад удаагүй байсан G2 Esports багийг 2-1 харьцаатай буулган авлаа.
Хагас финал: Team Liquid багийг 2-1 харьцаатай хожин аваргын төлөө өрсөлдөхөөр болов.
Аваргын төлөөх тоглолт: FURIA-тай таван map тоглож 2-3 харьцаагаар хожигдлоо. Энэ нь The MongolZ багийн хувьд он гарсаар дөрөв дэх тэмцээндээ аваргын төлөө өрсөлдсөн тоглолт болов.