IEM Katowice 2025 тэмцээний аялал энэ хүрээд өндөрлөлөө

ESL-ээс жил бүр зохиодог CS2 төрлийн томоохон төдийгүй нэг хүндтэй тэмцээнүүдийн нэг Intel Extreme Masters Katowice 2025 Польш улсын Катовиц хотод 1-р сарын 29-ээс 2-р сарын 9 хүртэл үргэлжилж байна.

Дэлхийн шилдэг 24 баг өрсөлдөж байгаа энэ тэмцээнд манай улсын The MongolZ баг VRS (Valve Regional Standing) чансааны 1-р сарын 6-ны үнэлгээгээр уригдсан билээ.

Тэд Б хэсгийн дээд хүснэгтэд Natus Vincere, FURIA,Team Spirit, MOUZ, GamerLegion, Team Liquid, Astralis хуваарилагдсан юм.

Эхний тоглолтоо Team Liquid багийн эсрэг хийж 2-1 (Nuke map 10-13; Mirage map 13-8; Ancient map 13-11) харьцаагаар хожлоо.

Дараагийн тоглолтоо Шведийн GamerLegion багийн эсрэг хийж 2-0 (Nuke map 13-10; Mirage map 13-5) харьцаагаар хожсоноор Play Off шатанд шалгарсан анхны Ази баг болсон юм.

Харин гуравдах тоглолт нь NAVI багтай болж 0-2 (Mirage map 10-13; Ancient map 9-13; харьцаагаар хожигдсон ч Play Off шатны эрхээ хадгалсаар байгаа билээ.

1,000,000 ам.долларын шагналын сантай IEM Katowice-д урилгаар оролцсон, Play-Off шатанд нь шалгарсан анхны Ази баг болсон The MongolZ Туркийн улсын Eternal Fire багтай тоглов. Тэднийг 2-0 (Anubis map 13-7; Mirage map 22-18) харьцаагаар хожсоноор хагас шигшээд шалгарсан юм.

Ийнхүү The MongolZ хагас шигшээ шатанд дэлхийн аварга Франц улсын Team Vitality багтай тоглон 0-2 (Anubis map 7-13; Mirage map 18-22) харьцаагаар хожигдож, тэмцээний 3-4-р байрыг эзлэн, 80,000 ам.долларын шагнал авлаа. Б.Эрдэндалай "maaRaa" дасгалжуулагчтай The MongolZ баг ийнхүү оны эхний тэмцээнээ гайхалтай амжилтаар эхэллээ.