ZOWIE Европ дахь анхны Спортын Шинжлэх Ухааны Лабораторио нээлээ

BenQ-ийн цахим спортод чиглэсэн брэнд болох ZOWIE нь Европ дахь анхны Спортын Шинжлэх Ухааны Лабораторио Нидерландын Эйндховен хотод байгуулснаа зарлалаа.

Энэхүү лаборатори нь Европт зохион байгуулагдах бүх тэмцээн болон тоглогчдыг дэмжих үндсэн төв болон ажиллах юм. Энэ ZOWIE-ийн гурав дахь лаборатори бөгөөд цахим спортын тоног төхөөрөмжийн загварыг спортын шинжлэх ухаанд тулгуурлан хөгжүүлэх зорилгыг дахин баталж буй хэрэг юм.

Хөдөлгөөн болон булчингийн үйл ажиллагааг шинжилж тохирсон хулгана санал болгоно

Энэхүү лабораторид хөдөлгөөний баримтжуулалт (motion capture) болон булчингийн цахилгаан идэвхжил (электромиографи) ашиглан тоглогчдын хулганатай харьцаж буй байдлыг судалж, хөдөлгөөний хурд, булчингийн ачаалал, үе мөчний өнцөг, эргономикийн мэдээлэл цуглуулдаг. Энэ нь тухайн тоглогчийн тоглолтын хэв маяг болон тоглодог төрлөөс шалтгаалан тохирсон хулгана санал болгоход тусалж, ядаргаа үүсэхээс сэргийлж, хамгийн дээд гүйцэтгэлийг удаан хадгалахад чиглэсэн бэлтгэлийн хөтөлбөр гаргах боломжийг олгох юм.

Тоглогч төвтэй, мэдээлэлд суурилсан дизайн

2010 онд Шведийн домогт цахим спортын тамирчин Emil ‘HeatoN’ Christensen хамтран бүтээсэн алдарт EC цуврал хулганаас хойш ZOWIE бодит тоглогчдын саналд тулгуурлан бүтээгдэхүүнээ байнга сайжруулсаар ирсэн. Шинэ лаборатори нь FPS төрлийн CS2, VALORANT, Fortnite, Apex Legends зэрэг тоглоомууд дээр тоглогчдын хэв маягт хамгийн сайн тохирох хулганыг нарийн тодорхойлох боломжийг бүрдүүлж, тоног төхөөрөмжийн зөвлөмжийг илүү оновчтой болгоно.

Мөн тоглогчийн бие ядарсны дараа гүйцэтгэл хэрхэн өөрчлөгдөж байгааг судалж, жишээлбэл хурууны тогтвортой байдал буурах, хяналттай саатуулах чадвар сулрах зэрэг асуудлыг илрүүлж, бэлтгэлийн хөтөлбөрийг зохицуулж өгдөг.

Мэргэжлийн тоглогчидтой байнга хамтран ажиллаж, тэдний хэрэгцээнд нийцүүлэн шинэ бүтээгдэхүүн бүрийг хөгжүүлдэг байна.

Спортын шинжлэх ухаанд тулгуурласан хулгана

Спортын шинжлэх ухаанд суурилсан ойлголтоо ZOWIE хулгана бүрийнхээ загварт шингээсэн байдаг.

Жишээ нь, U цуврал нь Valorant, Fortnite, Apex Legends зэрэг хурдацтай тоглоомуудад зориулагдсан бөгөөд хөнгөн, утасгүй, барихад эвтэйхэн бүтэцтэй.

EC3 загвар нь EC2-оос зөвхөн жижгэрүүлсэн хувилбар биш бөгөөд тоглогчийн хурууны үеийн өнцөг, хажуугийн товчлуурын байрлалыг илүү оновчтой болгосноор ядаргаа багасгаж, алдаатай даралт үүсэхээс сэргийлдэг.

Судалгаанаас үзэхэд эдгээр өөрчлөлтүүд нь хурдан даралтын үед бугуйны булчингийн ачааллыг мэдэгдэхүйц бууруулдаг аж. Мөн DW цувралын шинэ утасгүй симметр хулгана нь мэргэжлийн тоглогчдын бодит туршилтад үндэслэн бүтээгдсэн. Барих олон төрлийн хэв маягт тохирсон DW загварууд нь тоглоом бүрд тусгай давуу талыг санал болгодог.

Жишээлбэл, FK-DW хувилбар нь олон давтамжтай жижиг хөдөлгөөнийг илүү нарийвчлалтай, тухтай гүйцэтгэх боломжийг олгодог тул нарийвчилсан онилолт шаарддаг FPS тоглоомд илүү үр дүнтэй.

Ирээдүйд: Судалгаанд суурилсан инновацыг өргөжүүлэх

ZOWIE цахим спортын тоног төхөөрөмжийн салбарт олон шинэ бүтээл гаргаж, хэд хэдэн патент эзэмшдэг ба бүтээгдэхүүний хөгжүүлэлтийн философио байнга шинэчилж ирсэн.

Европын Спортын Шинжлэх Ухааны Лаборатори байгуулагдсанаар ZOWIE-ийн шинэчлэлд нэг том алхам нэмэгдэж байна.

Европын цахим спортын зах зээл хурдацтай өсөж буй энэ үед ZOWIE судалгаагаа улам өргөжүүлж, тоглогч бүрд тохирсон тоног төхөөрөмж, бэлтгэлийн зөвлөмж санал болгохоор зорьж байна.

BenQ Europe B.V.-ийн ерөнхийлөгч Jay Wu:

“ZOWIE Спортын Шинжлэх Ухааны Лабораториор дамжуулан бид шинжлэх ухаанд суурилсан аргачлалыг ашиглаж, Европын мэргэжлийн тоглогчдын боломжийг бүрэн нээж өгөхийг зорьж байна. Бидний бүтээгдэхүүн бүр жинхэнэ тоглогчдын өгөгдөл, мэргэжилтнүүдийн дүгнэлтэд тулгуурласан. Энэ нь цахим спортын ирээдүйд чиглэсэн бүтээмжид суурилсан инновацын маань гол баталгаа юм.”