SNK-ийн түүхээс товч

SNK нь 1978 онд Японы Осака хотод байгуулагдсан видео тоглоомын компани бөгөөд 1980-аад онд Ikari Warriors, Psycho Soldier зэрэг алдартай аркад тоглоомуудаараа нэрд гарсан. 1990 онд SNK нь хүчирхэг MVS аркад платформ болон түүний гэрийн хувилбар болох AES консолыг танилцуулж, “arcade-perfect” буюу аркад тоглоомыг гэрийн нөхцөлд төгс чанартайгаар хүргэх зорилгоор бүтээсэн юм.

SNK-ийн гэрийн консолын шилжилт 1990 онд 16-битийн үндсэн CPU болон 8-битийн хамтрагч процессороос бүрдсэн тул “24-бит” гэж сурталчилсан дөрөвдүгээр үеийн Neo Geo AES консолоор эхэлсэн бөгөөд энэ нь аркад тоглоомуудыг төгс хувилбараар гаргаж байсан ч асар өндөр үнэтэй том хэмжээний ROM картриджийн улмаас зөвхөн тууштай фенүүд, цуглуулагчдад голчлон таалагдаж байв.

1994 онд SNK нь үнэтэй картриджийг илүү хямд CD-ээр сольж, тоглоомуудаа илүү өргөн хүрээнд хүртээмжтэй болгох зорилгоор Neo Geo CD-г танилцуулсан боловч бусад хурдан, хямд CD-д суурилсан өрсөлдөгч консолуудтай тулгарснаар амжилт нь хязгаарлагдаж, гэрийн консолын зах зээлд өрсөлдөх чадвар нь буурсан юм. Neo Geo CD-ийн нийт борлуулалт дэлхий даяар 600,000 ширхэгээс доош байсан.

SNK нь 1978 онд Японы Осака хотод байгуулагдсан видео тоглоомын компани бөгөөд 1980-аад онд Ikari Warriors, Psycho Soldier зэрэг алдартай аркад тоглоомуудаараа нэрд гарсан.

Turuu Tumurmunkh-ийн цуглуулгаас

·  Зураг дээр Neo Geo CD консол болон хоёр төрлийн удирдлага (контроллер) харагдаж байна.

·  Neo Geo CD (1994) нь өндөр үнэтэй картриджийг CD форматаар сольж гаргасан хувилбар бөгөөд илүү хямд үнээр тоглоом тоглох боломж олгосон.

·  Энэ бол Neo Geo CD-ийн жижиг гар удирдлага (CD joypad controller).

·  Зүүн талд нь дугуй чиглүүлэгч (D-pad), баруун талд нь дөрвөн өнгийн товч (A, B, C, D) байрлажээ.

·  Энэхүү загвар нь тухайн үедээ компакт, хэрэглэхэд хялбар гэж үнэлэгдэж байсан.

·  Энэ бол Neo Geo-ийн том джойстик (Arcade-style controller).

·  Аркад машин дээр тоглож байгаа мэт мэдрэмж өгөхөөр зориулагдсан.

·  Зүүн талд нь том joystick, баруун талд нь A, B, C, D товчлуурууд байрласан.

·  Neo Geo-г жинхэнэ аркад тоглоомын мэдрэмжтэйгээр гэртээ тоглох гол онцлог нь энэ удирдлага байсан.

---

 Mongolian Gamers группийн админ, видео тоглоомын цуглуулагч Turuu Turmunkh-ийн видео тоглоомын цуврал нийтлэлүүдийг зөвшөөрөлтэйгээр хүргэж байна.