ESL 2025 оны шинэ улирлын эхлэл болгон Хойд Америкт зохион байгуулана. ESL One Raleigh 2025 тэмцээн ирэх оны 4-р сарын 7-13-ны өдрүүдэд зохион байгуулагдахаар товлогдсон бөгөөд энэ нь Хойд Америкийн Dota 2 сонирхогчдын хувьд маш том боломж юм.
ESL One Raleigh 2025 тэмцээний дэлгэрэнгүй
ESL One Raleigh 2025 нь маш чухал ач холбогдолтой тэмцээн. Энэ нь ESL Pro Tour (EPT 2025)-ын нэг хэсэг тул багууд Riyadh Masters 2025-д оролцох эрх авахын тулд хүчээ үзэх ёстой.
Мөн ESL One гэдэг утгаараа дэлхийн түвшний продакшн, чанартай Dota 2 тоглолт хүлээгдэж байгаа. Тэмцээн уламжлалт форматаар зохион байгуулагдах бөгөөд хэсгийн шат болон хасагдах шат гэсэн хоёр үе шаттай байна.
Хэсгийн шат: Нэг тойргийн системээр явагдах бөгөөд 6 баг 2 хэсэгт хуваагдана. Бүх цуврал тэмцээнүүд нь best-of-two (BO2) форматаар тоглогдоно.
Хасагдах шат: Давхар хасагдах системтэй бөгөөд бүх тэмцээнүүд best-of-three (BO3) форматаар явагдана. Харин аваргын тоглолт best-of-five (BO5) форматаар тоглогдоно.
Хойд Америк дахь Dota 2 тэмцээнүүд
ESL One Raleigh 2025 нь ихээхэн хүлээлттэй байгаа хэдий ч байршил нь багагүй хүндрэл учруулж магадгүй. Олон улсын оролцогчдод АНУ-д виз авах нь нэлээд төвөгтэй байдаг тул багууд визний материалаа урьдчилан бэлдэхийг зөвлөж байна.
Гэсэн хэдий ч тэмцээнд оролцох батламж хараахан гараагүй тул виз мэдүүлэг нь саатах магадлалтай. Энэ нь ялангуяа шинэ тоглогчид болон туршлага багатай мэргэжлийн тоглогчдод асуудал үүсгэж болох юм.
ESL One Raleigh 2025-д оролцох магадлалтай багууд
EPT Leaderboard-ийн эхний дөрвөн баг шууд урилга авах бөгөөд одоогийн байдлаар Team Falcons, BetBoom Team, Team Spirit, PARIVISION багууд тэргүүлж байна. Энэ нь DreamLeague S24-ийн үр дүн дээр үндэслэсэн байгаа тул ESL One Bangkok 2024 тэмцээний дараа байдал өөрчлөгдөж магадгүй.
Илүү туршлагатай тоглогчидтой Team Falcons, Team Liquid, Gaimin Gladiators зэрэг багууд визний асуудалд өртөх магадлал бага юм. Харин Team Spirit-ийн залуу тоглогчид болох Aleksandr “rue” Filin and Alan “Satanic” Gallyamov нар визний асуудлаас болж оролцох боломжгүй болж магадгүй байна.
Comments